jump to navigation

Ollos de cores 2008-06-02

Posted by biblioxograr in : Sen clasificar , 2 comments

Queremos recomedar moi especialmente un novo blog feito por alumnas do noso IES, Meiga Mego e C. d. H.. Como elas din: “un blog para aquelas persoas que pasan máis tempo na Lúa ca na Terra”.

Nel podedes atopar  cousas tan interesantes como unha entrevista a Xavier P. Docampo, o Libro Semanal, enlaces ás páxinas oficiais dos vosos autores favoritos…, incluso unha conta atrás cara ao fin de curso.

Non deixedes de visitalo!!!!

http://ollosdecores.blogspot.com/

ACTIVIDADES NO CAMIÑO (DE SANTIAGO) 2008-05-27

Posted by biblioxograr in : ACTIVIDADES CURSO 07-08 , add a comment

Como xa sabedes, o Departamento de Inglés do IES Xograr Afonso Gómez de Sarria está a realizar unha actividade chamada “Pilgrims Project” cos alumnos-as de 3º de  ESO.  A idea orixinal e posta en marcha da mesma debémoslla a Dna. Cristina Fontán, profesora de dito departamento, que dedicou gran parte do seu tempo libre a percorrer os sendeiros do Camiño de Santiago para informarse e informar a todo aquel que se atopase nun albergue, hostal, camping… da proposta da actividade, xa sabedes que con cartel anunciador, PILGRIMS WANTED!, e todo.

Desde entón desenvolvéronse dúas actividades no centro.

A primeira foi o 12 de maio de 2008, cando chegou un matrimonio australiano de Melbourne que xa estaba retirado e colaborou conosco de xeito que todos quedaron encantados, alumnos, matrimonio e profesoras. A experiencia foi moi positiva e os alumnos-as están desexando volver a repetila. Jenny and Steve, thank you very much for your visit!

A segunda foi o 20 de maio de 2008, nesta ocasión , tratábase dun peregrino inglés, de Manchester, nado en Alemania, de nai alemana, de 20 anos de idade , que conectou moi ben co grupo co que se levou a cabo a actividade.

Esperamos ansiosos-as a chegada de mais peregríns de agora en adiante.

“CORRELINGUA” 2008-05-19

Posted by biblioxograr in : ACTIVIDADES CURSO 07-08, CONCURSO , 3 comments

 

O pasado venres, día 9 de maio, os nosos alumnos e alumnas do 1º Ciclo da ESO asistiron en Lugo ao Correlingua 2008. Un grupo de rapazas de 2º da ESO gañaron un premio por unha pancarta e déronlles un lote de vinte libros para a biblioteca do instituto. EN HORA BOA!!!

O lema da pancarta gañadora é:

“CON 7 NOTAS MUSICAIS SOMOS CAPACES DE CREAR MELODÍAS FABULOSAS. ¡IMAXINADE CON MÁIS DE 70.000 PALABRAS GALEGAS!”

 Na foto podedes ver ás protagonistas.

 

17 DE MAIO, DÍA DAS LETRAS GALEGAS 2008-05-12

Posted by biblioxograr in : CONMEMORACIÓNS , add a comment

O día 17 de maio de 1963, coincidindo cos 100 anos da publicación da obra de Rosalía de Castro CANTARES GALLEGOS, celebrouse por primeira vez o DÍA DAS LETRAS GALEGAS. Dende entón, cada 17 de maio dedícase a unha figura da literatura galega, coa condición de que se cumpriran polo menos, 10 anos dende o seu falecemento.

Este ano está dedicado a figura de Xosé M. Álvarez Blázquez. Para coñecer á relevancia deste autor, presentámosvos un traballo feito por un alumno de 4º de ESO.

 

VISITA DO ALUMNADO DO IES VILAR PONTE DE VIVEIRO 2008-05-05

Posted by biblioxograr in : VISITAS DIDÁCTICAS , add a comment

Un grupo de alumnos e alumnas do IES VILAR PONTE de Viveiro, viñeron a Sarria para coñecer a aqueles alumnos do noso centro cos que se viñan carteando dende o mes de decembro. Na seguinte, a nosa colaboradora Esther, cóntanos a súa experiencia: O intercambio

Aquí tedes algunhas fotos da excursión que fixeron a Samos:

RUTAS LITERARIAS POLO MUSEO DE LUGO 2008-04-30

Posted by biblioxograr in : VISITAS DIDÁCTICAS , 5 comments

    Os alumnos de 2º de ESO fomos o pasado xoves, 24 de abril, ao Museo de Lugo para participar nas Rutas Literarias polo Museo.   

   Unha rapaza moi amable explicounos en que consistía a actividade: repartímonos en catro grupos, e tiñamos que ir buscando a resposta á 20 preguntas que viñan nun caderniño que nos deu a cada un de nós. Todas as solucións atopábanse ou ben nas diferentes salas do museo ou ben nun libro que nos deran días antes e que case todos léramos. O grupo que menos erros cometeu (só dous) recibiu un pequeño agasallo, aínda que esto non foi o importante, senón o ben que o pasamos seguindo as pistas e actuando como detectives.

 Aquí podedes ver algunha foto de grupo porque non se podían facer dentro das salas do museo.

 

 

E xa que estamos no Museo podemos aproveitar para visitar as salas 29, 30, 31 e 32 onde están expostas as obras do Proxecto Abertal:  99 artistas lucenses do século XXI, entre os que se atopa a profesora do noso centro Mª José Santiso.

23 de abril: DÍA INTERNACIONAL DO LIBRO 2008-04-23

Posted by biblioxograr in : ACTIVIDADES CURSO 07-08, CONMEMORACIÓNS , 1 comment so far

Para conmemorar a morte de tres dos homes máis importantes da literatura universal celébrase o Día Mundial do Libro:  o 23 de abril de 1616 morreu   Miguel de Cervantes Saavedra (considerado casi unanimemente como o pricipal autor da literatura castelá), William Shakespeare (máximo representante da literatura anglosaxona), e Garcilaso, el Inca, de la Vega (seudónimo de Gómez Suárez de Figueroa, peruano considerado o máis importante dos cronistas de Indias na literatura hispanoamericana). 

 A data foi acordada de forma definitiva no ano 1995 pola UNESCO e, por exemplo, en España faise coincidir coa entrega do Premio Cervantes, que é o máis prestixioso galardón das letras hispanas.

 

No noso centro levamos varios anos celebrando este día cunha exposición de traballos presentados polos alumnos de todos os cursos e convocada polo departamento de Literatura castelá. O tema dos traballos é libre, sempre que estea relacionado co mundo dos libros, en calquera lingua, e que invite ou fomente o gusto pola lectura. 

A exposición deste ano será entre o 23 de abril e o 4 de maio.

 ¡Vén a vela!

TERCEIRA REUNIÓN DO CLUB LECTOR 2008-04-16

Posted by biblioxograr in : CLUB DE LECTURA , add a comment

O mércores, día 28 de maio, ás catro da tarde terá lugar a derradeira sesión do noso club de lectura “O Xograr Lector” deste curso.  O libro escollido para despedírmonos é

 

 

 

LAS CHICAS DE ALAMBRE de Jordi Sierra i Fabra

  Como peche á experiencia deste ano, ao final da reunión animaremos a cada participante a recomendar un libro aos demais (novas opcións para ler durante o verán): trae pensada a túa proposta.

 

XA PODEDES COLLER UN EXEMPLAR NA BIBLIOTECA.

QUEDADES TODOS CONVIDADOS!!!

HAI QUE MOLLARSE!. ACTIVIDADES SOBRE A AUGA E O SEU USO SOSTIBLE. 2008-04-14

Posted by biblioxograr in : ACTIVIDADES CURSO 07-08 , add a comment
“Por eso, os aires, chamándonos en vano coa súa música,
absorberon, como en vinganza,
as néboas contaxiosas do mar, as cales,
caendo sobre os campos, encheron de tanta soberbia
aos máis humildes ríos, que desbordaron as súas ribeiras”. 

  William Shakespeare (De “Soño dunha noite de verán” Acto 2 Escena 1) 

 

A auga, o composto máis  abundante na natureza, é tamén o composto máis abundante nos seres vivos. Os humanos somos auga nun 65%. Cada día necesitamos inxerir 2 l. de auga, e non poderíamos sobrevivir máis de 3 días se non o fixeramos.

 

Porque sen auga non hai vida e cada vez  é un recurso máis escaso, no Xograr Afonso Gómez de Sarria preocupámonos por este tema e tratamos de concienciar e ensinar aos nosos alumnos  o modo en que deben actuar para usar a auga de modo sostible preservándoa para as xeracións futuras.  

 

ACTIVIDADES: 

- CHARLA INFORMATIVA sobre:

. Importancia da auga para os seres vivos.
. Ciclo hidrolóxico.
. Ciclo integral da auga.

- SERES ESTRAÑOS NA AUGA: 

. Que son os cágados? En que se  converterán?

- OS SERES INVISIBLES DA AUGA:

. Observación microscópica de microorganismos da auga.

- REPARTO E EXPLICACIÓN DE TRÍPTICOS INFORMATIVOS sobre o uso sostible da auga.

- “GRAN XINCANA” sobre todo o traballado. Se queres prepararte clica aquí.

- TALLER DE PULSEIRAS e  AUDICIÓN de obras musicais relacionadas coa auga.

DIRIXIDAS A  ALUMNOS DO 1º CICLO DA ESO.

IMPARTIDAS POR ALUMNOS DE 4º DA ESO.

ADEMÁIS:

- PROXECCIÓN  E COLOQUIO SOBRE  A PELÍCULA:

  “Erin Brockowich” de Steven Soderbergh ( E.E.U.U. 2000).

- EXPOSICIÓN DE TRABALLOS realizados polos alumnos.

- EXPOSICIÓN DE LIBROS relacionados na BIBLIOTECA do Centro.

- VISITAS DIDÁCTICAS:

- Visita en Lugo á exposición itinerante “VIVE OS RÍOS DO NORTE” (1º da ESO).
- Visita ás EDAR e ETAP de Sarria (4º da ESO)
- Visita á  EDAR de Lugo (2º de BAC)
- Viaxe á EXPO DE ZARAGOZA (1º de BAC).  http://www.expozaragoza2008.es/

COORDINA: DEPARTAMENTO DE BIOLOXÍA

VIAXE DE FIN DA ESO A PARÍS 2008-04-12

Posted by biblioxograr in : Sen clasificar, VISITAS DIDÁCTICAS , 4 comments

XA ESTADES DE VOLTA E POLA EXPRESIÓN DA VOSA CARA, MERECEU A PENA!

ANIMÁDEVOS A COMPARTIR ALGUNHA DA VOSAS EXPERIENCIAS, CONTÁNDONOS OS LUGARES QUE VISITASTES, O QUE MÁIS VOS IMPRESIONOU…

Esther cóntanos…